Засгийн газрын хэрэгжүүлэгч агентлаг – Төрийн өмчийн бодлого, зохицуулалтын газрын даргаар Монгол Улсын Ерөнхий сайдын зөвлөх Болдын Цэнгэлийг Засгийн газрын шийдвэрээр томиллоо.
2020 оны 07 дугаар сарын 22-ны өдөр Засгийн газрын Хэрэг эрхлэх газрын дэд дарга У.Бямбасүрэн тэргүүтэй Засгийн газрын төлөөлөл Төрийн өмчийн бодлого, зохицуулалтын газарт ажиллаж, тус газрын даргаар томилогдсон Б.Цэнгэлийг албан хаагчдад танилцуулж, албан ажлыг хүлээлцүүлэв.
Ажил хүлээлцүүлэх үеэр Төрийн өмчийн бодлого, зохицуулалтын газрын даргаар ажиллаж байгаад Засгийн газрын гишүүн, Хүнс, хөдөө аж ахуй, хөнгөн үйлдвэрийн сайдаар томилогдсон З.Мэндсайхан шинээр томилогдсон дарга Б.Цэнгэлд байгууллагын тамгыг ёслол, хүндэтгэлтэйгээр гардуулан өгч, амжилт, ололтыг бэлэгдэн ерөөлөө.
